Send News,Article and Feedback to us ! e-mail:
This e-mail address is being protected from spambots. You need JavaScript enabled to view it.
पुर्खाको संझनामा मनाआँै चिङमिङ पर्व
पुर्खाको संझनामा मनाआँै चिङमिङ पर्व
अर्पौँ हाम्रा श्रद्धाञ्जली भइ अति गर्व
वसन्तको पालुवासँगै हङकङका वनपाखाभरि छरिएका समाधिहरुले यतिखेर नयाँ काँचुली फेरेका छन् । यी समाधिहरु भर्खरै मात्र चुनले लिपिएर सिँगारिएका कारण यहाँका न्यू टेरीटरीज, डायमण्ड हील र अन्य केहि भेगहरु हिमचुली भैmँ सेताम्मे बनेका छन् ।
हङकङका स्थानिय बासिन्दा चिनियाँहरुले आफ्ना पूर्वजहरुको स्मिृतिमा मनाउँदै आईरहेको चिङमिङ पर्व हरेक साल अप्रिल ५ तारीकका दिन पर्दछ । यस पर्वमा चिनियाँहरु आफ्ना पुर्खाहरुको समाधि सरसफाई, मर्मत संभार र रङ रोगन गर्ने र उनीहरुको समाधिमा गई आदरभक्ति र श्रद्धाञ्जली चढाउने गर्छन् ।
चीन, हङकङ, मकाऊ र ताईवानमा चिङमिङ पर्वको अवसरमा १ दिनको सार्वजनिक विदा हुन्छ । तर यसको चहलपहल भने अप्रिल महिनाभरि नै भई रहन्छ । सिंगपूर र मलेसियामा रहँदै आएका चिनियाँहरुले पनि यस पर्वलाई आत्मसात गर्दै आईरहेका छन् ।
लगभग २ हजार वर्ष अघि स्याङ डायनाष्टीले प्रचलनमा ल्याएको यस प्रथा चीनमा चाईना कम्यूनिष्ट पार्टीले सन् १९४९ सालमा खारेज गरे पश्चात सन् २००८ सालमा यसको पुन स्थापित नहुन्जेल करीब ६ दशकको अबधि सम्म ओझेलमा रह्यो । हङकङ र मकाऊमा भने यस पर्व परापूर्वकालदेखि निरन्तर रुपमा मनाउँदै आईरहेको छ ।
चिनियाँहरु चिङमिङ पर्व र चुङयुङ पर्व गरि वर्षको दुई पटक पुर्खाहरुको समाधि सरसफाई र मर्मत संभार गर्छन् र समाधिस्थलमा उनीहरुको नाउँमा धुपबत्ती बालेर गोदाबरी फूल, मिठामिठा परीकारहरु, पेय पदार्थ, कागजका नक्कली नोट, घर, मोटरगाडी, उपहार स्वरुप चढाउँछन् ।
आदिकालमा मानव र पशु बली दिइने चलन थियो । मानव सभ्यताको विकास क्रमसँगै उक्त प्रथा हटेर कालान्तरमा माटाले बनेको नोकरचाकर, जनावर, घर र रथहरु मृतकको साथमा गाडिने चलन चल्यो । हाल आएर कागजका सस्ता सामाग्रीहरु जलाएर चढाउने गरिन्छ । समयको मागसँगै हिँजोआज बजारमा कागजका मोबाइल फोन, आईफोन र क्रेडिट कार्डहरु पनि पाइन थालेको छ ।
चिङमिङ पर्वका दिन “दि एप्रल फिÏथ मुभमेन्ट” र “टीनान्मेन इन्सिडेन्ट” जस्ता चीनकै इतिहासको अति दुखद घटना काण्डहरुमा ज्यान गुमाएकाहरुको स्मरण गरिन्छ ।
चिङमिङ पर्वकै अवसर पारी हङकङेली नेपालीहरुले विगत ७ वर्षदेखि अप्रिल ५ का दिन वर्षेनीे मनाउँदै आईरहेका पुर्खा दिवस कार्यक्रम यस वर्षपनि समपन्न भयो । कार्यक्रम विभन्न युद्धमा ज्यान गुमाई नेपालीहरुलाई विश्वसामु बीर जातीका रुपमा चिनाउने गोर्खाली पुर्खाहरुको सम्मान र संझनामा गोर्खा सेमेटी« ट्रष्टले आयोजना गरेको थियो । ट्रष्टका अधक्ष्य एकराज राईको अधक्ष्यतामा उक्त कार्यक्रम सानतिन गोर्खा सेमेट्रीमा सम्पन्न भएको थियो ।
बृहत नेपाली तथा बिदेशी समुदायको उपस्थित रहेको कार्यक्रम मौन धारण र गोर्खा सेमेट्री ट्रष्टले प्रकाशन गरेको समाधि पुस्तकको छैँटो संस्करणको विमोचनबाट सुरुआत गरिएको थियो ।
अति भावमय वातावरणमा नेपाली विद्यार्थीहरुले श्रद्धाञ्जली गीत गाएका थिए र कविता वाचन पनि गरेका थिए । उपस्थित सबैले पुर्खाहरुको वेदीमा पुष्प गुच्छा अपर्ण गरेका थिए । कार्यक्रममा युद्धका तस्बिरहरु, युद्धताकाका नेपाली गाउँघरका तस्बिरहरु, विश्वभर छरिएर रहेका गोर्खाली समाधिका तस्बिरहरु र समाधि पुस्तकका पुराना अंकहरु प्रदर्शन गरिएको थियो ।
“चिङमिङ पर्व” वा “पुर्खा दिवस” जुनसुकै नाउँले चिनिएतापनि अर्थात नेपाली र चिनियाँहरुले आ आÏनै ढाचाले भिन्न प्रकारले यस पर्व मनाएतापनि उनीहरुको एउटै मुख्य उदेश्य आÏना पुर्खाहरुलाई भावपूर्ण श्रद्धाञ्जली व्यक्त गर्नु नै रहेको छ ।
