Send News,Article and Feedback to us ! e-mail:
This e-mail address is being protected from spambots. You need JavaScript enabled to view it.
हङकङमा धरान एक परिचय बृत्तचित्र प्रदर्शनी
अप्रेल १० तारिख दिन धरानबाट हङकङ आई विभिन्न क्षेत्रमा कार्यरत नेपालीहरु हसिला देखिन्थे । उनीहरुको मुहारमा धरानप्रतिको सद्भाव र माया प्रष्ट झल्कन्थियो ।
यसको प्रमुख कारण थियो, धरान चौकीबारी समाजले निर्माण गरेको धरान र त्यस आसपासका सम्पूर्ण विषयवस्तुलाई समेटेर तयार पारेको बृत्तचित्र धरान एक परिचयको प्रदर्शनी ।
शिक्षा, स्वास्थ्य, विकास, धार्मिक, साहित्य तथा साँस्कृति विषयलाई एकै ठाउँमा राखेर निर्माण गरिएको बृत्तचित्र धरान एक परिचयको प्रथम प्रदर्शनी याउ मा तेइ कम्युनिटी सेण्टरमा बेलुकी एक विशेष समारोह बीच भएको थियो ।
लगभग २ घंटा ३० मिनेट समयावधिको त्यस बृत्तचित्रमा एैतिहासिक, पौराणिक विषयवस्तुहरु पनि प्रसस्तै समेटिएको थियो । बृत्तचित्र हेरी सकेपछि धरान हङकङ मञ्चका उपाध्यक्ष मधुकुमार राईले यसो भने “बृत्तचित्रले धरानलाई विविध कोणबाट प्रष्ट पारेको छ । म यो बृत्तचित्र हेरेर भावुक बनेको छु । धरानमा अरु धेरै कुराहरु गर्न बाँकी रहेछ । हामी यसकलागि पहल गर्ने छौं ।” अर्का दर्शक डिल्ली एभेङले चाँहि यसो भने “धरानको विगत र वर्तमान हेर्न पाइयो भविष्यमा हुनसक्ने विषयवस्तु उठान गरेको भए अझ राम्रो हुने थियो ।”
नेपाल भ्रमण वर्ष २०११ लाई सहयोग गर्न नेपालको सरकार र स्थानीय सरकारलाई नै सहयोग पुग्ने बृत्तचित्र धरानवासीहरुले व्यक्तिगत पहलमा निर्माण गरेका हुन् । विशेषगरी विभिन्न मुलुकहरुमा रहेका नेपालीहरु तथा विदेशीहरु माझ पु¥याउने उद्देश्य सहित निर्माण भएको बृत्तचित्र नेपाल तथा अन्य मुलुकहरुमा समेत प्रदर्शनी गरिने यस बृत्तचित्र निर्माण गर्ने धरान चौकीबारी समाजले जानकारी गराएको छ ।
बृत्तचित्रको प्रथम प्रदर्शनी गर्न अघि एक छोटो औपचारिक कार्यक्रमको आयोजना गरिएको थियो । समाजका अध्यक्ष रोहित सुनुवारको अध्यक्षतामा सम्पन्न कार्यक्रममा धरान हङकङ मञ्चका उपाध्यक्ष मधुकुमार राई प्रमुख अतिथिको रुपमा उपस्थित हुनु भएको थियो । कार्यक्रममा हङकङ नेपाली महासंघका अध्यक्ष प्रदीप थापा समुपस्थिति रहेका थिए ।
विभिन्न संघसंस्थाका प्रतिनिधिहिरुको उपस्थिति रहेको कार्यक्रममा धरान एक परिचय बृत्तचित्रको डीभीडी कपी प्रमुख अतिथि मधुकुमार राई, समाजका अध्यक्ष रोहित सुनुवार र बृत्तचित्र निर्माण नियन्त्रक जित राईले एकसाथ सार्वजानिक गरेका थिए ।
बृत्तचित्रलाई विभिन्न समयमा छायंकन गरिएको जानकारी गराइएको थियो । बृत्तचित्रको अन्तिम चरणको सम्पादन तथा मिक्सिङ कार्य बृत्तचित्र निर्माणमा लामो अनुभव संगालेका श्यामसुन्दर थापाले गरेका थिए ।
एभरेष्ट साप्तहिक, आलोपालो डटकम र मूलबाटो डटकमले मिडीया पार्टर्सको भूमिका निर्वाह गरेका थिए ।
