Send News,Article and Feedback to us ! e-mail:
This e-mail address is being protected from spambots. You need JavaScript enabled to view it.
What Ails You
भूकम्पका कारण बालबालिकाको पठनपाठनमा प्रभावित
इलाम १० असोज / एकसाता अघि गएको भूकम्पका कारण विद्यालय बन्द हुँदा इलामका एक हजारभन्दा बढी बालबालिकाको पठनपाठन प्रभावित भएको छ । इलामका एकदर्जन भन्दा बढी विद्यालय भत्किएका कारण विद्यार्थीको पठनपाठन हुन नसकेको हो । भूकम्पका कारण जमुनाको राष्ट्रिय निमावि, भानुदय निमावि, सुलुबुङको बालनिकेतन प्रावि, मावुको नवज्योति प्रावि, माईमझुवाको गुफा प्रावि र आमचोकको कालिकादेवी प्राविको पठनपाठन प्रभावित भएको छ ।
त्यस्तै नयाँबजारको लप्सीबोटे प्रावि, प्याङको सल्लेरी प्रावि, चमैताको तिलपुङ प्रावि, सिंहवसन्त निमावि, सिद्धदेऊमाई प्रावि, सोयाङको चन्द्रोदय प्रावि, जोगमाईको सप्तकाली र पूवामझुवाको सिद्धार्थ प्राविको पठनपाठन पनि अवरूद्ध बनेको छ ।
तिहारअघि विद्यालय खुल्ने अवस्था नरहेकाले क्षतिग्रस्त विद्यालयको तथ्याङ्क तयार पारेर भवन निर्माणका लागि शिक्षा विभाग र क्षेत्रीय शिक्षा निर्देशनालयमा पेश गरिएको जिल्ला शिक्षा कार्यालयले जनाएको छ । कार्यालयका अनुसार जिल्लाका १ सय ६२ वटा विद्यालयमा क्षति पुगेको छ । क्षति भएका विद्यालयको सङ्ख्या थपिने क्रमजारी रहेको जिल्ला शिक्षा अधिकारी महेन्द्रप्रसाद पौडेलले बताउनुभयोे ।
